'சில சமயங்களில் பெண்களை போல போதை தருவது நிச்சயம் வேறொன்றும் இல்லை.' 'மது தராத போதையை மாது கொடுப்பாள். மதுவும் மாதும் சேர்ந்து கொடுக்கும் போதை?'
இந்த எண்ணத்தில் தான் ஆராவின் தம்பி அபர்ணாவை வெறித்து பார்த்துக்கொண்டிருந்தான்.
முதல் நாள் இரவு அவன் கழித்து விட்டு வந்த இடம் வேறு அவன் கற்பனை வளத்தை ஊற்று எடுக்கச் செய்திருந்தது. அவன் பார்த்து விட்டு வந்த ரகசியங்களில் அபர்ணாவின் முகம்.
ம்ஹும்ம்... அவனால் தன்னை கட்டுப் படுத்திக்கொள்ள முடியாது தவித்தான். அவன் ஆண்மை இந்த கணம் அபர்ணா வேண்டும் என்று அடம்பிடிக்க அபர்ணாவை கண் அகலாமல் கவனிக்கத் தொடங்கினான்.
வெளியே நின்று கொண்டிருந்த சந்திரா இன்னும் வரவில்லை.
அதுவும் ஆராவின் தம்பிக்கு தைரியத்தை கொடுக்க.,
"ஆரா, உன் ஆளு உள்ள வந்தா அவன அபர்ணா பக்கம் போகாம பார்த்துக்கோ.மத்தது எம் பொறுப்பு" என்க, ஆரா " ஹ்ம்ம்.. இன்னிக்கு உனக்கு அவளோட மஜான்னு சொல்லுடா "என்று அவன் தொடையை தட்டினாள்.
ஆராவின் மனதில் உற்சாகம் பீறிட்டது என்றால் அது சாதாரண வார்த்தை ஆகிவிடும்.
எதுவும் உணராமல் அபர்ணா தனித்து அமர்ந்து இருந்தாள். இந்த சூழ்நிலை அவளுக்கு ஒவ்வாமையை கொடுத்தது.
பலநூறு முறை "இங்க நா வந்திருக்க கூடாது " என்று ஜபம் செய்தாள். அவள் எண்ணத்தில் சந்திரா ஞாபகம் கூட இல்லை. அவனை தேடவும் இல்லை.
அவள் எண்ணம் முழுவதும் அவளது அகடமி மற்றும் அங்கே வகுப்பு எடுத்து கொண்டு இருக்கும் அக்கா செல்வா நிரம்பி இருக்க, அமர்ந்து இருந்த இருக்கை முள்ளாய் குத்தியது.
தெரிந்த முகங்கள் அதிகம் இல்லை. பேசவும் தராதரம் பார்க்கும் நக்ஷத்திர கூட்டம்.
கொஞ்ச நேரம் அங்கேயே அமர்ந்து வேடிக்கை பார்த்தவள் பிறகு உணவு எடுக்கவென்று சென்றாள்.
உலக அதிசயமாக ஆரா, அவளுடன் சகஜமாக பேசிக்கொண்டே தானும் உணவு எடுத்துக் கொள்ள வந்ததாக காட்டிக் கொண்டாள். ஏனோ, அபர்ணாவும் அந்த நேரத்தில் 'ஆராவுடன் சகஜமான முறையில் பேசுவது எவ்வளவு தூரம் சரியானது' என்று மறந்துவிட்டாள்.
ஆராவின் உஷ்ணப் பார்வைகள் அவள் நினைவு அடுக்குகளில் வரவில்லை. யாராவது துணைக்கு இருந்தால் நன்றாக இருக்கும் என்பது போன்ற மனோநிலை!
இருவரும் நன்றாக பேசிக் கொண்டே சாப்பிட்டார்கள். முடிக்கும் தறுவாயில் ஆராவின் தம்பியும் அங்கு வந்து சேர்ந்தான்.
தன் அக்காவிடம், " அக்கா நாம செல்ஃபீ எடுத்துக்கலாம்"என்று பகர்ந்தவன், ஆராவை விடுத்து தானும் அபர்ணாவும் ஒன்றாக மிக நெருக்கமாக நின்று கொண்டு இருப்பது போல் செல்பி எடுத்தான்.
பேச்சு கவனத்தில் அபர்ணா இதை சரியாக கவனிக்காமல் விட்டுவிட்டாள். ஆனால் இதை கவனித்த ஆரா தான் தம்பியை பார்த்து மர்ம சிரிப்பு சிரித்தாள்.
இவற்றையெல்லாம் பின்னாலிருந்து கவனித்த இன்னொரு நபர், சந்திரசூடனின் அக்கா கணவர்.
அபர்ணா இதுவரை யாரிடமும் சரியாக பேசாமல் தனியாக அமர்ந்திருப்பதை ஆரம்பம் முதலே அவர் பார்த்துக் கொண்டுதான் இருக்கிறார். போதாத குறைக்கு அவர் மனைவி வேறு, அபர்ணா பற்றி பகிர்ந்து கொண்டிருந்தாள்.
அப்படி இருக்கும் பொழுது இது எவ்வாறு சாத்தியப்படும்? ஆராவின் தம்பியுடன் புகைப்படம்.. ஏதோ தவறாக இருப்பது போல் அவரது மனது எச்சரித்தது.
சற்றும் தாமதிக்காமல், இது பற்றி பேசுவதற்காகவே அவ்விடம் விட்டு நகர்ந்தார்.
ஒருவேளை இன்னும் ஐந்து நிமிடம் அவர் அங்கேயே தங்கியிருந்தால்?ஏற்பட போகும் அபாயத்தை தவிர்த்து இருந்திருக்கலாம்.
அபர்ணாவை பார்த்து அவருக்கு பாவமாக இருந்தது. அவளை இவ்விடம் இருந்து அகற்ற வேண்டும் என்பதற்காகத்தான் அவர் மனைவியை தேடிச் சென்றது. தானாக வலியே சென்று தன்னை அறிமுகப்படுத்திக் கொள்ளவும் அவர் விருப்பம் கொள்ளவில்லை.
ஏதாவது பத்திரிகைக்காரனின் கண்களில் பட்டால், எதுவும் சொல்ல முடியாது.
"இன்னாரின் கணவர் இந்த பெண்ணுடன் மனைவியுடன் வந்திருக்கும் பொழுதே உல்லாசம்" என்று எழுதி விடுவார்கள். பிறகு பிரச்சனை வேறு திசைக்கு சென்று விடும்.
'செலிப்ரிடியாக இருப்பது அவ்வளவு ஒன்றும் சுலபமான விஷயம் இல்லை' என்று மனதிற்குள் நொந்தும் கொண்டார்.
அவர் மனைவியோ, மிகவும் மும்மொரமாக பேசிக்கொண்டிருக்க தான் சொல்ல வந்த விஷயத்தை மறந்துவிட்டு இவரும் அந்த ஜோதியில் ஐக்கியமானது தான் மிச்சம்.
அங்கு அபர்ணா உணவு மேசையில் அமர்ந்து சாப்பிட்டு கொண்டிருக்க அவளது வலது பக்கம் ஆராவும், இடது பக்கம் ஆராவின் தம்பியும் அவளுடன் சாப்பிட்ட படியே சிரித்து பேசிக்கொண்டிருக்க அபர்ணா சுற்றும் கவனிக்க தவறினாள்.
எறும்பு கடிக்கும் கீழாக உணர முடியாத படிக்கு லேசான ஒரு வலி (?). அவளது வலது பக்க இடுப்பில்.
சட்டென்று வலித்த இடத்தை தேய்த்து விட்டுக்கொண்டாள் அபர்ணா.
உணவு முடிந்ததும் ஆரா மதுவை நாடிச் செல்ல அங்கே வெளிப்புறமாக அபர்ணாவும் ஆராவின் தம்பியும் உட்கார்ந்து பேசிக்கொண்டு இருந்தார்கள்.
தூரத்தில் மதுக்கோப்பையில் மூழ்கியதாகக் காட்டிக்கொண்டு ஆரா இவர்களையே பார்த்துக்கொண்டிருந்தாள்.
அவர்கள் எதிர்பார்த்த படிக்கே அபர்ணாவுக்கு லேசாக தலை சுற்றுவது போலவும், உடம்பு லேசாகி காற்றில் பறப்பது போலவும் தோன்ற அவள் அக்கா, சந்திரா,அகடமி எண்டு முதலில் வரிசையாக ஆக்கிரமித்த நினைவுகள் நிதானமாக அவளை விட்டு வெகு தூரம் சென்று கொண்டிருந்தது.
அவளது நிலையை ஓரளவுக்கு ஊகித்த ஆரா, தன் கையில் வைத்திருந்த மது கோப்பையை எடுத்துக் கொண்டு வந்து, நினைவுகளில் இருந்து தூரமாக வந்து கொண்டிருக்கும் அபர்ணாவுக்கு கொடுக்க எந்த மறுப்பும் இன்றி அபர்ணாவும் குடித்து விட்டாள்.
அபர்ணாவின் நிலை சொல்லிக்கொள்ளும் அளவில் இல்லாமல் போனது. தன்னை சுற்றி நடக்கும் நிகழ்வுகளை புரிந்து கொள்ள திராணியற்றுப் போனது.
பெண்கள் எவ்வளவுதான் ஜாக்கிரதையாக இருந்தாலும் இது போல நிகழும் பொழுது எதுவும் செய்ய இயலா கையறு நிலைக்கு தள்ளப் படுவது தூரத்திர்ஷ்ட்ட வசமானது.
‘பெண்களே சில சமயங்களில் பெண்களுக்கு எதிராக’செயல் படும் பொழுது?
தீமைகள் தானாய் நடப்பது இல்லை. உருவாக்கப் படுகின்றனவோ!
சந்தர்ப்பத்தை சரியாக பயன்படுத்திக்கொள்ள முடிவு செய்த ஆராவின் தம்பி அபர்ணாவை விடுவதாக இல்லை.மெல்ல தன் மீது சாய்ந்து இருந்த அபர்ணாவை அவள் இடுப்பை சுற்றி வளைத்து எழும்ப செய்தவன் மெள்ளமாய் லிப்ட் நோக்கி அழைத்து சென்றான்.
அவனுக்குள் ராஜ போதை ஏறியது. எந்த மறுப்புகளும் அற்ற நிலை.அபர்ணாவை என்ன செய்தாலும் அவள் மறுக்கும் அளவில் இல்லை. அவளால் போராட இயலாது. மீறி கேட்பதற்க்கு யாரேனும் வந்தாலும் அவள் விருப்பம் கொண்டு வந்ததாக முடித்து விடலாம் எனும் எண்ணம் வேறு அவனுக்குள் இருக்க எந்த பதட்டமும் அவனுக்கு இல்லை.
கொஞ்சம் அபர்ணாவுக்கு நல்ல நேரம் தாம் போலும்!
லிப்ட்டுக்குள் இருவரும் நுழைவதை பார்த்த தில்லை ஆராவுடன் பேசிகொண்டிருந்த தன் மகனிடம்" அபர்ணாவுக்கு என்னாச்சு,எதுக்கு ஆராவுடைய தம்பியோட போறா? " என்று கேள்வி எழுப்பினார்.
சட்டென்று சுதாரித்து கொண்ட ஆரா,"இல்ல சார், புல்லா உள்ளே எறக்கிட்டா... நானும் வேணாம்னு சொல்லி பார்த்து விட்டுட்டேன். அவளால நடக்கவும் முடியல. அதான் என்னோட தம்பி அவளை அவ ரூமுல கொண்டு விடப் போறான்" என்று விஷ சிரிப்பு சிரித்தாள்.
'நீ சொல்வதை நாங்க நம்ப மாட்டோம்' என்று பார்த்தார் தில்லை. அதற்குள் ஒரு முடிவுக்கு வந்தவனாக ' எக்ஸ்க்யூஸ் மீ ' என்று அவ்விடம் விட்டு நகர்ந்தான் சந்திரா.
அவன் மனதுக்குள் பதட்டம். இவையெல்லாம் சாதாரணமாக கடந்து போகும் ரகம் அல்ல அபர்ணா.
அவளை அழைத்து வந்தது எவ்வளவு பெரிய பிசகு? என்று தன்னை நொந்து கொண்டான்.
அபர்ணா மது அருந்தியதாக ஆரா சொன்னதை சந்திராவால் நம்ப இயலவில்லை.
சிறு பெண். இன்னும் கல்லூரி கூட முடிக்கவில்லை. அபர்ணாவை செல்வா ஏன் பொத்தி வைத்து பாதுகாக்கிறாள் என்று இப்போது சந்திராவுக்கு புரிந்தது.
சீக்கிரம் ஏதாவது நிகழ்வதற்குள் செல்ல வேண்டும் என்று நினைத்தான்.
ஆனால், பண்ணிரண்டாம் மாடியில் இருந்த லிப்ட் மேலே சென்றது தவிர கீழே வரும் வழியாய் இல்லை.
இன்னும் இரண்டு லிப்ட்டுகள் உண்டே.. என்பது கூட தோன்றாமல் மாடி ஏறத் தொடங்கினான்.
அவன் மூன்றாம் தளம் வரும் சமயம் லிப்ட் ஒரு வழியாக வந்து சேர்ந்தது.
அபர்ணா அவள் அறையில் இல்லை. பூட்டி இருந்தது. சந்திராவுக்கு கோவம் அதிகமாயிற்று.
நேரே ஆராவின் தம்பி அறைக்கு சென்றால் அதுவும் பூட்டி இருக்க குழம்பி போனான்.
புத்திசாலித்தனமாக ஆராவின் அறைக்கு அபர்ணாவை அழைத்து சென்ற ஆராவின் தம்பி, கதவை சரியாக சாற்றாமல் உள்ளே போனான். பாவம்! அவன் அவசரம் அவனுக்கு.
அங்கே, அவன் கண்டது முழு நிர்வாண நிலையில் இருந்த ஆராவின் தம்பி அபர்ணாவின் ஆடைகளை களைய முயன்று கொண்டு இருந்ததை தான்.
நல்லவேளையாக, அங்கே வந்து சேர்ந்தான் சந்திரா.
ரௌவுத்திரம் மிகுந்த நிலையில், போதை வஸ்துவால் தன்னிலை குன்றிய ஆராவின் தம்பியை மரண அடி அடித்தான் சந்திரா.
மயக்க நிலையில் இருக்கும் பெண்ணை வன்புணர்வு செய்ய துணிந்தவனை உயிரோடு விட்டு வைக்க சந்திராவுக்கு பிடித்தமில்லை.
அதற்குள் அங்கே வந்து சேர்ந்த ஆரா, சந்திராவிடமிருந்து தன் தம்பியை மீட்டவள், சந்திராவிடம் சண்டை போட ஆரம்பித்தாள்.
மகாஅலட்சியமாக அவளை பார்த்த சந்திரா, "நீ யாரு, எங்க இருந்த, நடிக்க வந்தது எப்படி ன்னு உன்னோட பூர்வீகம் மொத்தமும் தெரியுமடி... ஒழுங்கு மரியாதையா ப்ரோமோஷன் வேலைய முடிச்சு குடுத்துட்டு கிளம்பு. உன்னோட எருமை தொம்பிய இப்போவே பேக் பண்ணு.. இல்ல இருந்த எடம் தெரியாம காலி பண்ணிடுவேன் " என்று மிரட்ட, ஆரா தன் தம்பியுடன் அவன் அறையில் தங்கி கொண்டாள்.
அவனுக்கு சென்னை செல்ல டிக்கெட் எதுவும் கிடைக்கவில்லை. மருத்துவ முதலுதவி செய்து விட்டு சோஃபாவிலேயே படுத்து கொண்டாள்.
ஆராவின் மனமோ அபர்ணா, சந்திரா, தில்லை நாதர் என்று ஒருவரை விடாமல் திட்டி தீர்த்தது.
சந்திரா பற்றி அவளுக்கு தெரியும். அவர்கள் இப்போது தயாரித்து இருக்கும் படத்தின் பட்ஜெட் 300கோடிகள்.
அவர்கள் நிறுவனம் அதிகம் படம் தயாரிக்காவிட்டாலும் திரை துறை செல்வாக்கு அதிகம்.
பெரிய செலவில் படம் எடுத்து பணம் அள்ளும் சாமர்த்தியம் அவர்களுக்கு உண்டு.
நிஜம் தான்! சந்திரா நினைத்தால் அவளுக்கு திரை துறை எதிர்காலம் அவ்வளவு தான்!
