subageetha
Moderator
16.
விழா பாதி நடந்து கொண்டிருக்கும் பொழுது சந்திரா வெகு ஸ்வாதீனமாய் அபர்ணாவின் அருகில் அமர்ந்து அவளிடம் பேசி சிரித்துக் கொண்டிருப்பதை அங்கே அநேக கண்கள் ஆர்வமாய் பார்த்தது.
மேடையை காண்பித்து ஏதோ சொல்லிக் கொண்டு இருந்தான். அவன் அப்பா கூட சற்றே வித்யாசமாய் பார்த்து வைத்தார்.
விழாவில் வேறு வழி இல்லாது ஆராவும் அழைக்கப் பட்டிருந்தாள். மீண்டும் 'தான் அபர்ணாவை பார்ப்போம்' என்று ஆரா கனவில் கூட அவள் நினைத்திருக்கவில்லை.
எனினும் அது ஆராவின் கண் முன் நடந்து கொண்டுதான் இருக்கிறது.
அபர்ணா சந்திரா இருவரையும் ஒன்றாக காணும் பொழுதில், ஆரவின் தேகம் முழுவதும் பெட்ரோல் ஊற்றி கொளுத்துவது போல எரிச்சல். கேமராவின் முன்னால் இவற்றையெல்லாம் காண்பிக்க முடியாமல் சிரித்தவாறே அமர்ந்திருப்பது கொடுமையிலும் கொடுமை. அவளது முகம் மேக்கப்பையும் மீறி செந்தணலாக சிவந்து தான் போனது.
'இவர்கள் இருவரையும் சும்மா விடுவதாக இல்லை' என மனதில் உருப்போட்டுக் கொண்டாள்.விழா நடந்து முடிந்த பிறகு, எல்லோரும் கிளம்பி விட ஆரா அங்கிருந்து நகர்வதாக இல்லை.
அவளுக்கு முன்பு போல் பட வாய்ப்புகள் வருவது இல்லை. திராவிட மொழிகளில் அவள் தேவைப் படவும் இல்லை. நிறைய புதிய முகங்கள், தனியார் தொலைக்காட்சி நிகழ்ச்சியில் பிரபலமான பெண்கள் கதைநாயகியாக என்று ஆரா விரட்டப் பட்டுக்கொண்டு இருக்கிறாள்.
அவளுக்கு நிச்சயம் தெரியும் (?) இவ்வளவும் பின்னால் இருந்து கயிறு ஆட்டும் சூத்திரதாரி இதோ நிற்கிறானே அந்த சந்திரா தான் என்று. வெகு தாமதம் ஆன பொழுதும் சந்திராவோ தில்லையோ ஆராவை கண்டுகொள்ளாமல் தவிர்த்தார்கள். இவள் பிடிவாதம் நீண்டது.
வேறு வழி இல்லாமல் தில்லை நாதன் ஆராவிடம் வந்து பேசினார்.
" என்னம்மா, இன்னும் நீங்க கிளம்பல " அவரது குரல் இவளுள் கோவத்தை அடக்க முடியவில்லை. "எனக்கு உங்க கிட்டயும் சந்திராகிட்டயும் பேசணும் சார் "
அவள் எது பற்றி பேச விழைகிறாள் என தெரிந்தும் கூட தில்லை நாதன் அவளிடம்
"எதை பத்தி பேசணும் ஆரா " என்று வேண்டுமென்றே கேட்டார்.
" உங்களுக்கு தெரியும்னு எனக்கும் தெரியும் சார் "---ஆரா.
அவரிடம் மௌனம். ஆராவின் பார்வையோ சந்திரா அபர்ணா இருவரிடமும் நிலைத்தது. அபர்ணாவை சந்திரா இன்னமும் கிளம்ப விடவில்லை. அபர்ணா, செல்லம் இருவரும் வெகு தீவிரமாக சந்திராவிடம் ஏதோ பேசிக்கொண்டு இருந்தார்கள்.
சந்திரா மனதில் 'அவர்களிடம் எப்படி ஆரம்பிப்பது' என்று ஒத்திகை ஓடிக்கொண்டு இருந்தது.சந்திரா தன்னிடம் பேசுவதற்கு எந்த வாய்ப்பும் இல்லை என்று உணர்ந்த ஆரா வாயே திறக்காமல் அங்கிருந்து கிளம்பும்படி ஆயிற்று.
ஆரா சென்றதை பார்த்துக் கொண்டிருந்த தில்லைநாதன் முகம் யோசனையை தத்தெடுத்துக் கொண்டது. அவளிடம் பேசும் பொழுது அவள் முகம் காட்டிய பாவம் அவ்வளவு நன்றாக படவில்லை.நிச்சயமாக சொல்லுவது என்றால் காவு வாங்க நினைக்கும் அரவின் படம் எடுக்கும் பாவம் தான் அவருக்கு ஞாபகம் வந்தது.
இதுதான் உள்ளுணர்வு என்று சொல்கிறோமோ என்னவோ! சந்திரா,செல்லம்,அபர்ணா, தில்லை நாதன் மற்றும் அவரது மனைவி அவர்களுக்காக ஒதுக்கப்பட்டிருந்த அறையின் வராண்டாவில் உட்கார்ந்து பேசத் தொடங்கினார்கள்.
தில்லைநாதனுக்கு சுத்தமாக இஷ்டமே இல்லை என்றாலும் கூட, தன் மகனுக்காக பேச ஒப்புக்கொண்டார்.
" பாருங்கமா உங்க பொண்ணுக்கு ரொம்ப நல்ல எதிர்காலம் சினிமால வெயிட் பண்ணுது. அவளோட டான்ஸ் பெரிய ஹிட் ஆயிடுச்சு. இன்னிக்கு நாங்க கேட்கலனாலும் வேற யாராவது நாளை பின்னைக்கு உங்க பொண்ணு நடிக்க கேக்குறதுக்கு நிறைய வாய்ப்பு இருக்கு. நாங்க முந்திக்கிட்டோம். நீங்க பயப்படவே வேண்டாம். உங்க பொண்ணோட நடிக்க போறது நம்ம சந்திரா தான்! அதோட அவனுக்குமே இது முதல் படம்.
நல்லா யோசிச்சு சொல்லுங்க.. உங்களுக்கு விருப்பம்னா மேற்கொண்டு பேசலாம் " என்று சுருக்கமாக முடித்துக் கொண்டு விட்டார் தில்லை. இதைக்கேட்ட தில்லை நாதனின் மனைவியின் முகத்தில் அதிர்ச்சி நிரம்பவே இருந்தது. அப்புவை பார்த்தவுடன் அவர் மனதில் தோன்றியது என்ன... இப்பொழுது நடக்க இருப்பது என்ன?
அபர்ணாவுடன் சந்திரா இருக்கும் சமயங்களில், இருவருக்கும் பொருத்தம் நன்றாக இருப்பதாக தில்லைநாதனின் மனைவிக்கு தோன்றியது உண்மை. ஆனால் அது சினிமாவிற்கானது இல்லை.நிஜ வாழ்க்கையில் கணவன் மனைவிக்கான பொருத்தம் தில்லை நாதனின் அருகில் அமர்ந்திருந்த இயக்குனர் சும்மாயிராமல் செல்லத்திடம்,
"ஆமாங்க ரெண்டு பேரோட கெமிஸ்ட்ரி ஆன் ஸ்க்ரீன் பாக்கும் போது வேற லெவல்ல இருக்கும். நா ரொம்ப நாளாவே சந்திராகிட்ட கேக்குறேன். உங்ககிட்ட பேச யோசிச்சதுல நிறைய நேரம் ஆகிடுச்சு. இல்லன்ன இந்நேரம் படம் தியேட்டர்ல ஓட்டிட்டு இருந்திருக்கும் " என்றார்.
கேட்ட மூன்று பெண்களுமே முகம் இருண்டது. தில்லை நாதனின் மனைவியோ எரிச்சலை வெளிப்படையாகவே காட்டி விட்டார்.
" அவங்ககிட்ட கேட்டிருக்கோம். விருப்பம் இருந்தா சரின்னு சொல்லுவாங்க. பிரஷர் போடாதீங்க ரமணன் " என்றுவிட்டார்.
அங்கே சற்று நேரம் அமைதி நிலவியது. ரமணன் பெரிய இயக்குனர். அவரிடம் இப்படி எல்லாம் யாரும் சட்டென்று பேசிவிட முடியாது.
ஆனால் இங்கே இப்பொழுது பேசிக் கொண்டிருக்கும் பெண் திருமதி தில்லைநாதன்.
ரமணன் மனதில் கோபம் எழுந்தது ஆனால் வெளியே காண்பித்துக் கொள்ள முடியாது.
நிலைமையை சகஜமாக்கும் பொருட்டு சந்திரசூடன் தான், " அவர் கம்பெல் பண்ணலம்மா.. நான் ரொம்ப நாளா அபர்ணா கிட்ட கேக்குறதுக்கு தயங்கி தேங்கி நின்னது நிஜம் தானே!ஒருவேளை முன்னமே கேட்டிருந்து அவளும் ஒத்துக்கிட்டு இருந்தா இந்நேரத்துக்கு படம் கண்டிப்பா ரிலீஸ் ஆயிருக்கும்." என்று தன் பக்கத்து நியாயத்தையும் முன் வைத்தான் "
இதற்கெல்லாம் திருமதி. மற்றும் திரு. தில்லைநாதன் எந்த பதிலும் சொல்லவில்லை.
அவர்களது பிடித்தமின்மை தெளிவாகத் தெரிந்தது. அபர்ணாவும், செல்லம்மாவும் எதற்கும் அசரவில்லை.அவர்களுக்கு சினிமாத் துறை பற்றிய தனிப்பட்ட கருத்து உண்டு. நிச்சயம் அது சாதகமானது இல்லை எனும் பொழுது என்னவென்று வாயை திறக்க முடியும்?அத்துடன் செல்வாவுக்கு வேறு சுத்தமாய் பிடிக்காது. குடும்பத்தின் ஒருவரை ஒதுக்கி முடிவு எடுக்கவேண்டும். செல்வாவின் மனம் அது, சந்திரா அறிந்ததே!
ஆனால் அதற்காக விட்டுக் கொடுக்க அவன் தயாராக இல்லை.கதையமைப்பு அபர்ணா - சந்திரா இருவரையும் மனதில் வைத்து புனைந்திருந்தார் ரமணா.
முதன் முதலில் படம் நடிக்கும் பொழுது ஹிட் ஆவது மட்டும் தான் அவனது திரைத்துறையின் எதிர்காலத்தை நிர்ணயம் செய்யும்.
எத்தனை நாட்களுக்கு பெரிய ஹீரோக்களின் பின்னால் அலைவது? போன்ற எண்ணங்கள் மனதில் இருக்கும் பொழுது நிச்சயம் அவனால் பின்வாங்க இயலவில்லை.
அபர்ணாவை தங்கள் குடும்பத்தில் ஒரு நபராக கொண்டு வர விருப்பம் கொண்டவர்களுக்கும் அபர்ணாவை நடிப்பதற்க்கு கேட்பதில் இஷ்டமில்லை.
நடுவில் சந்திரா அபர்ணாவை பற்றி எதுவும் பேசாமல் இருந்ததால் அவன் பெற்றோர் அமைதியாக இருந்தார்கள்.
இப்போதோ…
எதனால் சந்திரா நடிப்பதில் இவ்வளவு பிடிவாதமாக இருக்கிறான் என்பதுவும் அவர்களுக்குப் புரியவில்லை.
நிலைமையை சமாளிப்பதற்காக அபர்ணா தான்,
"எப்படியும் இது பற்றி இன்ஸ்டாண்டா முடிவு செய்ய முடியாது. கொஞ்சம் யோசிக்கணும். நடிப்பு பத்தி நாங்க யோசிச்சது இல்ல. அண்ட் நா டான்சர். நடிப்பு...அதுபற்றி எனக்கு ரொம்பவே யோசிக்கணும். வீட்ல நாங்க டிஸ்க்கஸ் பண்ணிட்டு சொல்றேன். இப்போ லேட்டாகுது. நாங்க கிளம்பறோம் " என்றவள் உபர் புக் செய்ய எத்தனிதாள்.
லேசாக தொண்டையை கனைத்த சந்திரா, " உபர் எல்லாம் வேணாம். நானே உங்கள கொண்டு விடறேன் " என்று கிளம்பிவிட்டான். நடப்பது அனைத்தும் செல்லம்மாவுக்கு வித்தியாசமாய் பட்டது.வீடு வந்து சேர்ந்த அபர்ணாவும் செல்லமும் சோர்ந்து தான் போனார்கள்.
'இப்படி ஒரு வாய்ப்பு வரக்கூடும்' என்று காலையில் யாராவது சொல்லி இருந்தால் கூட நம்பி இருந்திருக்க முடியாது.
விழா நடந்த இடத்திலேயே சந்திராவின் குடும்பத்தினருக்காகவும் முக்கிய நபர்களுக்காகவும் உணவு ஏற்பாடு செய்யப்பட்டு இருந்தது. அதிலேயே அபர்ணா, செல்லம் இருவரையும் சாப்பிட வைத்து கூட்டிக் கொண்டு வந்தான் சந்திரா.
செல்லத்தின் மனதில் ஏதோ ஒரு நெருடல். சந்திராவின் இவ்வளவு பிடிவாதமான போக்கை அவள் எதிர்பார்த்து இருக்கவில்லை. அப்புவின் நிலை சொல்லவே வேண்டாம் இன்னும் அவளால் அதிர்ச்சியில் இருந்து வெளியே வர முடியவில்லை.
ஆனால் சந்திரா இருவரையும் தன் காரில் ஏற்றிக் கொண்டு வரும் வழியில் ஒரு வார்த்தை கூட இந்த வாய்ப்பை ஏற்றுக் கொள்வதற்கான பேச்சுவார்த்தையில் ஈடுபடவில்லை என்பது இன்னும் வியப்பே!
பத்திரமாக வீட்டின் வாசலில் கொண்டு வந்து விட்டவன் ஒரு குட் நைட்டோடு கிளம்பி விட்டான்.அவன் மனதில் மேற்கொண்டு இது பற்றி பேசி அவர்கள் மனதில் இன்னும் குழப்பத்தை ஏற்றி விட வேண்டாம் என்று அமைதியாய் இருப்பது பற்றி அறிந்திருப்பார் யார்?
தன் வீட்டுக்கு வந்த சந்திரா, அப்பாவிற்கு அழைத்து ' நான் நேரா எங்க வீட்டுக்கு வந்துட்டேன்பா' என்று தகவல் மட்டும் சொன்னான்.
தில்லை நாதனும் அவரது மனைவியும் கூட கிளம்பி வீடு வந்து விட்டார்கள். அவர்கள் எதிர்பார்த்து இருந்தபடியே சந்திரா தனது அறைக்குள் சென்று கதவைத் தாளிட்டுக் கொண்டிருந்தான்.
ஒரு பெருமூச்சோடு தங்கள் அறைக்குள் சென்றார்கள். காலையிலாவது சந்திராவிடம் மீண்டும் பேசி பார்க்க வேண்டும் என்று முடிவு செய்த தில்லைநாதன் உறக்கம் வராமல் யோசனையில் ஆழ்ந்தார்.
தன் மனைவியின் எண்ணமும் அவருக்கு தெரியுமே!மறுநாள் காலையில் சந்திரா தெளிவாக சொல்லி விட்டான்.
" உங்களால பைனான்ஸ் பண்ண முடியாதுன்னா விடுங்க ப்பா.. எனக்குன்னு சோர்ஸ் இருக்கு. என்னால மார்க்கெட்ல மூவ் பண்ணவும் முடியும். எனக்கு அபர்ணா என்ன சொல்றான்னு முக்கியம். அதுக்கு நா கண்டிப்பா கான்சென்ட்ரேட் பண்ணுவேன்.மத்தத பத்தி பேச எனக்கு இன்டெரெஸ்ட் இல்ல. " என்று அவரை பேச முடியாது நிறுத்தி விட்டான்.
'வெளியில் அவன் பணம் பிரட்டினால் விஷயம் விபரீதம் ஆகிவிடும்' என்று யோசித்தவர் விதி விட்ட வழி என்று அமைதியாகி விட்டார்.
அபர்ணா தன் அம்மாவிடம் இதை பற்றி பேசித் தீர்த்தாள்.வாய்ப்பு வராத வரை மறுக்க முடியும். விஷயம் நமக்கு கிடைக்கும் பொழுது விட முடிவது இல்லையே!
அந்த நிலைமையில் தான் இப்போது அப்புவும் செல்லமும் இருந்தார்கள்.
பலபேர் இதே வாய்ப்பு எப்போது கிடைக்கும் என்று தேடி அலைய, சந்திராவிடம் எப்படி மறுத்துச் சொல்வது? என்று மனதுள் குடைந்தாலும் இன்னொரு காரணம் " சந்திரா… அவன் மீதான ஈடுபாடு."
இருவருக்குமான இன்னோர் பிரச்சனை இதை எப்படி செல்வாம்பிகையிடம் சொல்வது என்று, சொன்னால் அவள் எப்படி எடுத்துக் கொள்வாள்?
செல்வா- அப்பு இருவருக்குள்ளும் பல விஷயங்கள் நடந்தேறி விட்டது. அதற்குப் பிறகு செல்வா அதிகம் தங்கையின் விஷயங்களில் தலையிடுவதில்லை என்று பிடிவாதமாக விலகி நிற்கிறாள். இது அபர்ணா புரிந்து கொண்டுவிட்டாள்.
கிளம்பிச் செல்லும் முன்பு கூட," நீ பெரிய பொண்ணு ஆயிட்ட அப்பு. உன்னோட விஷயத்தை நீயே பாத்துக்கோ.
ஏதாவது தேவைன்னா அம்மா கிட்ட ஹெல்ப் கேளு. அவங்க உனக்கு ஹெல்ப் பண்ணுவாங்க." என்று சொல்லிவிட்டு தான் சென்றாள்.
சந்திரா மீது தங்கைக்கு ஆர்வம் இருக்கிறது என்பது பற்றி செல்வாவுக்கு நிச்சயம் தெரியும். அதனாலயே இந்த வாய்ப்பு பற்றி கூறும் பொழுது செல்வா இதற்கு மறுக்க எந்த அவசியமும் இருக்காது, என்றெல்லாம் யோசித்தவள் திட்டுக்கிட்டாள்.
' எனில், நான் நடிப்பதற்க்கு தயாராகி விட்டேனா, இதென்ன விபரீதம்? செல்வாக்கா என்னிடத்தில் இருந்தால் நிச்சயம் தன்னை மூன்றாம் நபராக மனதில் உருவகம் செய்து கொண்டு, பிளஸ் / மைனஸ் பற்றி யோசித்திருப்பாள்.
நான் ஏன் இவ்வளவு மோசமான அளவில் யோசிக்கிறேன் என்று மனதுக்குள் பேசிக்கொண்டவளுக்கு ' நடிப்பும் ஒரு வேலை தானே? இதை பற்றி தவறாக ஏன் யோசிக்க வேண்டும்...என்றும் கூட தோன்றியது.
சரி எது, தவறு எது என்று தீர்மானம் செய்த, அதை செயல் படுத்தும் பக்குவம் நிச்சயம் அவளிடம் குறைவு தான்.
இன்னும் சொல்ல வேணுமானால், அவள் செல்லத்தின் மறு வார்ப்பு. அதனாலேயே தன் தங்கையை இத்துணை வருடங்களாக தனது கைக்குள் வைத்துப் பாதுகாத்தாள் செல்வா.
விழா பாதி நடந்து கொண்டிருக்கும் பொழுது சந்திரா வெகு ஸ்வாதீனமாய் அபர்ணாவின் அருகில் அமர்ந்து அவளிடம் பேசி சிரித்துக் கொண்டிருப்பதை அங்கே அநேக கண்கள் ஆர்வமாய் பார்த்தது.
மேடையை காண்பித்து ஏதோ சொல்லிக் கொண்டு இருந்தான். அவன் அப்பா கூட சற்றே வித்யாசமாய் பார்த்து வைத்தார்.
விழாவில் வேறு வழி இல்லாது ஆராவும் அழைக்கப் பட்டிருந்தாள். மீண்டும் 'தான் அபர்ணாவை பார்ப்போம்' என்று ஆரா கனவில் கூட அவள் நினைத்திருக்கவில்லை.
எனினும் அது ஆராவின் கண் முன் நடந்து கொண்டுதான் இருக்கிறது.
அபர்ணா சந்திரா இருவரையும் ஒன்றாக காணும் பொழுதில், ஆரவின் தேகம் முழுவதும் பெட்ரோல் ஊற்றி கொளுத்துவது போல எரிச்சல். கேமராவின் முன்னால் இவற்றையெல்லாம் காண்பிக்க முடியாமல் சிரித்தவாறே அமர்ந்திருப்பது கொடுமையிலும் கொடுமை. அவளது முகம் மேக்கப்பையும் மீறி செந்தணலாக சிவந்து தான் போனது.
'இவர்கள் இருவரையும் சும்மா விடுவதாக இல்லை' என மனதில் உருப்போட்டுக் கொண்டாள்.விழா நடந்து முடிந்த பிறகு, எல்லோரும் கிளம்பி விட ஆரா அங்கிருந்து நகர்வதாக இல்லை.
அவளுக்கு முன்பு போல் பட வாய்ப்புகள் வருவது இல்லை. திராவிட மொழிகளில் அவள் தேவைப் படவும் இல்லை. நிறைய புதிய முகங்கள், தனியார் தொலைக்காட்சி நிகழ்ச்சியில் பிரபலமான பெண்கள் கதைநாயகியாக என்று ஆரா விரட்டப் பட்டுக்கொண்டு இருக்கிறாள்.
அவளுக்கு நிச்சயம் தெரியும் (?) இவ்வளவும் பின்னால் இருந்து கயிறு ஆட்டும் சூத்திரதாரி இதோ நிற்கிறானே அந்த சந்திரா தான் என்று. வெகு தாமதம் ஆன பொழுதும் சந்திராவோ தில்லையோ ஆராவை கண்டுகொள்ளாமல் தவிர்த்தார்கள். இவள் பிடிவாதம் நீண்டது.
வேறு வழி இல்லாமல் தில்லை நாதன் ஆராவிடம் வந்து பேசினார்.
" என்னம்மா, இன்னும் நீங்க கிளம்பல " அவரது குரல் இவளுள் கோவத்தை அடக்க முடியவில்லை. "எனக்கு உங்க கிட்டயும் சந்திராகிட்டயும் பேசணும் சார் "
அவள் எது பற்றி பேச விழைகிறாள் என தெரிந்தும் கூட தில்லை நாதன் அவளிடம்
"எதை பத்தி பேசணும் ஆரா " என்று வேண்டுமென்றே கேட்டார்.
" உங்களுக்கு தெரியும்னு எனக்கும் தெரியும் சார் "---ஆரா.
அவரிடம் மௌனம். ஆராவின் பார்வையோ சந்திரா அபர்ணா இருவரிடமும் நிலைத்தது. அபர்ணாவை சந்திரா இன்னமும் கிளம்ப விடவில்லை. அபர்ணா, செல்லம் இருவரும் வெகு தீவிரமாக சந்திராவிடம் ஏதோ பேசிக்கொண்டு இருந்தார்கள்.
சந்திரா மனதில் 'அவர்களிடம் எப்படி ஆரம்பிப்பது' என்று ஒத்திகை ஓடிக்கொண்டு இருந்தது.சந்திரா தன்னிடம் பேசுவதற்கு எந்த வாய்ப்பும் இல்லை என்று உணர்ந்த ஆரா வாயே திறக்காமல் அங்கிருந்து கிளம்பும்படி ஆயிற்று.
ஆரா சென்றதை பார்த்துக் கொண்டிருந்த தில்லைநாதன் முகம் யோசனையை தத்தெடுத்துக் கொண்டது. அவளிடம் பேசும் பொழுது அவள் முகம் காட்டிய பாவம் அவ்வளவு நன்றாக படவில்லை.நிச்சயமாக சொல்லுவது என்றால் காவு வாங்க நினைக்கும் அரவின் படம் எடுக்கும் பாவம் தான் அவருக்கு ஞாபகம் வந்தது.
இதுதான் உள்ளுணர்வு என்று சொல்கிறோமோ என்னவோ! சந்திரா,செல்லம்,அபர்ணா, தில்லை நாதன் மற்றும் அவரது மனைவி அவர்களுக்காக ஒதுக்கப்பட்டிருந்த அறையின் வராண்டாவில் உட்கார்ந்து பேசத் தொடங்கினார்கள்.
தில்லைநாதனுக்கு சுத்தமாக இஷ்டமே இல்லை என்றாலும் கூட, தன் மகனுக்காக பேச ஒப்புக்கொண்டார்.
" பாருங்கமா உங்க பொண்ணுக்கு ரொம்ப நல்ல எதிர்காலம் சினிமால வெயிட் பண்ணுது. அவளோட டான்ஸ் பெரிய ஹிட் ஆயிடுச்சு. இன்னிக்கு நாங்க கேட்கலனாலும் வேற யாராவது நாளை பின்னைக்கு உங்க பொண்ணு நடிக்க கேக்குறதுக்கு நிறைய வாய்ப்பு இருக்கு. நாங்க முந்திக்கிட்டோம். நீங்க பயப்படவே வேண்டாம். உங்க பொண்ணோட நடிக்க போறது நம்ம சந்திரா தான்! அதோட அவனுக்குமே இது முதல் படம்.
நல்லா யோசிச்சு சொல்லுங்க.. உங்களுக்கு விருப்பம்னா மேற்கொண்டு பேசலாம் " என்று சுருக்கமாக முடித்துக் கொண்டு விட்டார் தில்லை. இதைக்கேட்ட தில்லை நாதனின் மனைவியின் முகத்தில் அதிர்ச்சி நிரம்பவே இருந்தது. அப்புவை பார்த்தவுடன் அவர் மனதில் தோன்றியது என்ன... இப்பொழுது நடக்க இருப்பது என்ன?
அபர்ணாவுடன் சந்திரா இருக்கும் சமயங்களில், இருவருக்கும் பொருத்தம் நன்றாக இருப்பதாக தில்லைநாதனின் மனைவிக்கு தோன்றியது உண்மை. ஆனால் அது சினிமாவிற்கானது இல்லை.நிஜ வாழ்க்கையில் கணவன் மனைவிக்கான பொருத்தம் தில்லை நாதனின் அருகில் அமர்ந்திருந்த இயக்குனர் சும்மாயிராமல் செல்லத்திடம்,
"ஆமாங்க ரெண்டு பேரோட கெமிஸ்ட்ரி ஆன் ஸ்க்ரீன் பாக்கும் போது வேற லெவல்ல இருக்கும். நா ரொம்ப நாளாவே சந்திராகிட்ட கேக்குறேன். உங்ககிட்ட பேச யோசிச்சதுல நிறைய நேரம் ஆகிடுச்சு. இல்லன்ன இந்நேரம் படம் தியேட்டர்ல ஓட்டிட்டு இருந்திருக்கும் " என்றார்.
கேட்ட மூன்று பெண்களுமே முகம் இருண்டது. தில்லை நாதனின் மனைவியோ எரிச்சலை வெளிப்படையாகவே காட்டி விட்டார்.
" அவங்ககிட்ட கேட்டிருக்கோம். விருப்பம் இருந்தா சரின்னு சொல்லுவாங்க. பிரஷர் போடாதீங்க ரமணன் " என்றுவிட்டார்.
அங்கே சற்று நேரம் அமைதி நிலவியது. ரமணன் பெரிய இயக்குனர். அவரிடம் இப்படி எல்லாம் யாரும் சட்டென்று பேசிவிட முடியாது.
ஆனால் இங்கே இப்பொழுது பேசிக் கொண்டிருக்கும் பெண் திருமதி தில்லைநாதன்.
ரமணன் மனதில் கோபம் எழுந்தது ஆனால் வெளியே காண்பித்துக் கொள்ள முடியாது.
நிலைமையை சகஜமாக்கும் பொருட்டு சந்திரசூடன் தான், " அவர் கம்பெல் பண்ணலம்மா.. நான் ரொம்ப நாளா அபர்ணா கிட்ட கேக்குறதுக்கு தயங்கி தேங்கி நின்னது நிஜம் தானே!ஒருவேளை முன்னமே கேட்டிருந்து அவளும் ஒத்துக்கிட்டு இருந்தா இந்நேரத்துக்கு படம் கண்டிப்பா ரிலீஸ் ஆயிருக்கும்." என்று தன் பக்கத்து நியாயத்தையும் முன் வைத்தான் "
இதற்கெல்லாம் திருமதி. மற்றும் திரு. தில்லைநாதன் எந்த பதிலும் சொல்லவில்லை.
அவர்களது பிடித்தமின்மை தெளிவாகத் தெரிந்தது. அபர்ணாவும், செல்லம்மாவும் எதற்கும் அசரவில்லை.அவர்களுக்கு சினிமாத் துறை பற்றிய தனிப்பட்ட கருத்து உண்டு. நிச்சயம் அது சாதகமானது இல்லை எனும் பொழுது என்னவென்று வாயை திறக்க முடியும்?அத்துடன் செல்வாவுக்கு வேறு சுத்தமாய் பிடிக்காது. குடும்பத்தின் ஒருவரை ஒதுக்கி முடிவு எடுக்கவேண்டும். செல்வாவின் மனம் அது, சந்திரா அறிந்ததே!
ஆனால் அதற்காக விட்டுக் கொடுக்க அவன் தயாராக இல்லை.கதையமைப்பு அபர்ணா - சந்திரா இருவரையும் மனதில் வைத்து புனைந்திருந்தார் ரமணா.
முதன் முதலில் படம் நடிக்கும் பொழுது ஹிட் ஆவது மட்டும் தான் அவனது திரைத்துறையின் எதிர்காலத்தை நிர்ணயம் செய்யும்.
எத்தனை நாட்களுக்கு பெரிய ஹீரோக்களின் பின்னால் அலைவது? போன்ற எண்ணங்கள் மனதில் இருக்கும் பொழுது நிச்சயம் அவனால் பின்வாங்க இயலவில்லை.
அபர்ணாவை தங்கள் குடும்பத்தில் ஒரு நபராக கொண்டு வர விருப்பம் கொண்டவர்களுக்கும் அபர்ணாவை நடிப்பதற்க்கு கேட்பதில் இஷ்டமில்லை.
நடுவில் சந்திரா அபர்ணாவை பற்றி எதுவும் பேசாமல் இருந்ததால் அவன் பெற்றோர் அமைதியாக இருந்தார்கள்.
இப்போதோ…
எதனால் சந்திரா நடிப்பதில் இவ்வளவு பிடிவாதமாக இருக்கிறான் என்பதுவும் அவர்களுக்குப் புரியவில்லை.
நிலைமையை சமாளிப்பதற்காக அபர்ணா தான்,
"எப்படியும் இது பற்றி இன்ஸ்டாண்டா முடிவு செய்ய முடியாது. கொஞ்சம் யோசிக்கணும். நடிப்பு பத்தி நாங்க யோசிச்சது இல்ல. அண்ட் நா டான்சர். நடிப்பு...அதுபற்றி எனக்கு ரொம்பவே யோசிக்கணும். வீட்ல நாங்க டிஸ்க்கஸ் பண்ணிட்டு சொல்றேன். இப்போ லேட்டாகுது. நாங்க கிளம்பறோம் " என்றவள் உபர் புக் செய்ய எத்தனிதாள்.
லேசாக தொண்டையை கனைத்த சந்திரா, " உபர் எல்லாம் வேணாம். நானே உங்கள கொண்டு விடறேன் " என்று கிளம்பிவிட்டான். நடப்பது அனைத்தும் செல்லம்மாவுக்கு வித்தியாசமாய் பட்டது.வீடு வந்து சேர்ந்த அபர்ணாவும் செல்லமும் சோர்ந்து தான் போனார்கள்.
'இப்படி ஒரு வாய்ப்பு வரக்கூடும்' என்று காலையில் யாராவது சொல்லி இருந்தால் கூட நம்பி இருந்திருக்க முடியாது.
விழா நடந்த இடத்திலேயே சந்திராவின் குடும்பத்தினருக்காகவும் முக்கிய நபர்களுக்காகவும் உணவு ஏற்பாடு செய்யப்பட்டு இருந்தது. அதிலேயே அபர்ணா, செல்லம் இருவரையும் சாப்பிட வைத்து கூட்டிக் கொண்டு வந்தான் சந்திரா.
செல்லத்தின் மனதில் ஏதோ ஒரு நெருடல். சந்திராவின் இவ்வளவு பிடிவாதமான போக்கை அவள் எதிர்பார்த்து இருக்கவில்லை. அப்புவின் நிலை சொல்லவே வேண்டாம் இன்னும் அவளால் அதிர்ச்சியில் இருந்து வெளியே வர முடியவில்லை.
ஆனால் சந்திரா இருவரையும் தன் காரில் ஏற்றிக் கொண்டு வரும் வழியில் ஒரு வார்த்தை கூட இந்த வாய்ப்பை ஏற்றுக் கொள்வதற்கான பேச்சுவார்த்தையில் ஈடுபடவில்லை என்பது இன்னும் வியப்பே!
பத்திரமாக வீட்டின் வாசலில் கொண்டு வந்து விட்டவன் ஒரு குட் நைட்டோடு கிளம்பி விட்டான்.அவன் மனதில் மேற்கொண்டு இது பற்றி பேசி அவர்கள் மனதில் இன்னும் குழப்பத்தை ஏற்றி விட வேண்டாம் என்று அமைதியாய் இருப்பது பற்றி அறிந்திருப்பார் யார்?
தன் வீட்டுக்கு வந்த சந்திரா, அப்பாவிற்கு அழைத்து ' நான் நேரா எங்க வீட்டுக்கு வந்துட்டேன்பா' என்று தகவல் மட்டும் சொன்னான்.
தில்லை நாதனும் அவரது மனைவியும் கூட கிளம்பி வீடு வந்து விட்டார்கள். அவர்கள் எதிர்பார்த்து இருந்தபடியே சந்திரா தனது அறைக்குள் சென்று கதவைத் தாளிட்டுக் கொண்டிருந்தான்.
ஒரு பெருமூச்சோடு தங்கள் அறைக்குள் சென்றார்கள். காலையிலாவது சந்திராவிடம் மீண்டும் பேசி பார்க்க வேண்டும் என்று முடிவு செய்த தில்லைநாதன் உறக்கம் வராமல் யோசனையில் ஆழ்ந்தார்.
தன் மனைவியின் எண்ணமும் அவருக்கு தெரியுமே!மறுநாள் காலையில் சந்திரா தெளிவாக சொல்லி விட்டான்.
" உங்களால பைனான்ஸ் பண்ண முடியாதுன்னா விடுங்க ப்பா.. எனக்குன்னு சோர்ஸ் இருக்கு. என்னால மார்க்கெட்ல மூவ் பண்ணவும் முடியும். எனக்கு அபர்ணா என்ன சொல்றான்னு முக்கியம். அதுக்கு நா கண்டிப்பா கான்சென்ட்ரேட் பண்ணுவேன்.மத்தத பத்தி பேச எனக்கு இன்டெரெஸ்ட் இல்ல. " என்று அவரை பேச முடியாது நிறுத்தி விட்டான்.
'வெளியில் அவன் பணம் பிரட்டினால் விஷயம் விபரீதம் ஆகிவிடும்' என்று யோசித்தவர் விதி விட்ட வழி என்று அமைதியாகி விட்டார்.
அபர்ணா தன் அம்மாவிடம் இதை பற்றி பேசித் தீர்த்தாள்.வாய்ப்பு வராத வரை மறுக்க முடியும். விஷயம் நமக்கு கிடைக்கும் பொழுது விட முடிவது இல்லையே!
அந்த நிலைமையில் தான் இப்போது அப்புவும் செல்லமும் இருந்தார்கள்.
பலபேர் இதே வாய்ப்பு எப்போது கிடைக்கும் என்று தேடி அலைய, சந்திராவிடம் எப்படி மறுத்துச் சொல்வது? என்று மனதுள் குடைந்தாலும் இன்னொரு காரணம் " சந்திரா… அவன் மீதான ஈடுபாடு."
இருவருக்குமான இன்னோர் பிரச்சனை இதை எப்படி செல்வாம்பிகையிடம் சொல்வது என்று, சொன்னால் அவள் எப்படி எடுத்துக் கொள்வாள்?
செல்வா- அப்பு இருவருக்குள்ளும் பல விஷயங்கள் நடந்தேறி விட்டது. அதற்குப் பிறகு செல்வா அதிகம் தங்கையின் விஷயங்களில் தலையிடுவதில்லை என்று பிடிவாதமாக விலகி நிற்கிறாள். இது அபர்ணா புரிந்து கொண்டுவிட்டாள்.
கிளம்பிச் செல்லும் முன்பு கூட," நீ பெரிய பொண்ணு ஆயிட்ட அப்பு. உன்னோட விஷயத்தை நீயே பாத்துக்கோ.
ஏதாவது தேவைன்னா அம்மா கிட்ட ஹெல்ப் கேளு. அவங்க உனக்கு ஹெல்ப் பண்ணுவாங்க." என்று சொல்லிவிட்டு தான் சென்றாள்.
சந்திரா மீது தங்கைக்கு ஆர்வம் இருக்கிறது என்பது பற்றி செல்வாவுக்கு நிச்சயம் தெரியும். அதனாலயே இந்த வாய்ப்பு பற்றி கூறும் பொழுது செல்வா இதற்கு மறுக்க எந்த அவசியமும் இருக்காது, என்றெல்லாம் யோசித்தவள் திட்டுக்கிட்டாள்.
' எனில், நான் நடிப்பதற்க்கு தயாராகி விட்டேனா, இதென்ன விபரீதம்? செல்வாக்கா என்னிடத்தில் இருந்தால் நிச்சயம் தன்னை மூன்றாம் நபராக மனதில் உருவகம் செய்து கொண்டு, பிளஸ் / மைனஸ் பற்றி யோசித்திருப்பாள்.
நான் ஏன் இவ்வளவு மோசமான அளவில் யோசிக்கிறேன் என்று மனதுக்குள் பேசிக்கொண்டவளுக்கு ' நடிப்பும் ஒரு வேலை தானே? இதை பற்றி தவறாக ஏன் யோசிக்க வேண்டும்...என்றும் கூட தோன்றியது.
சரி எது, தவறு எது என்று தீர்மானம் செய்த, அதை செயல் படுத்தும் பக்குவம் நிச்சயம் அவளிடம் குறைவு தான்.
இன்னும் சொல்ல வேணுமானால், அவள் செல்லத்தின் மறு வார்ப்பு. அதனாலேயே தன் தங்கையை இத்துணை வருடங்களாக தனது கைக்குள் வைத்துப் பாதுகாத்தாள் செல்வா.